Монголчуудын арван хүн тутмын нэг нь элэгний вирусийн халдвартай гэсэн судалгааг эрүүл мэндийн байгууллагаас гаргажээ. Үүний нэг илрэл нь таван өрх тутмын нэгд элэгний вирус, хавдраас хамааралтай өвчлөл байгаа нь дээрх мэдээллийг бататгаж байгаа юм.

Элэгний  В,С вирусийг тоолуулахын тулд хувийн эмнэлгүүдэд багадаа 100 мянган төгрөг, ХӨСҮТ-д 80 гаруй мянган төгрөгөөр тоолуулдаг байсан. Иймээс Засгийн газар иргэдийг эрүүл мэндээс үүдэлтэй санхүүгийн эрсдэлээс хамгаалах чиглэлээр элэгний вирус тоолох шинжилгээг ХӨСҮТ, УНТЭ-т эрүүл мэндийн даатгалын сангаас хийдэг боллоо.