Нийтийн тээврээр зорчдог жирэмсэн болон хүүхэдтэй ээжүүдэд зориулсан суудал тодорхой зааж өгөөгүйгээс шаардлага тавих үндэслэл бүрдээгүй юм.

Тэгвэл “Монголын Энтрепренёр Ээжүүдийн Холбоо” ТББ-аас Нийслэлийн нийтийн тээврийн 1000 автобусанд Жирэмсэн болон хүүхэдтэй ээжүүдэд зориулж ягаан суудал бий болгох нөлөөллийн аяныг эхлүүлсэн байна.

Энэхүү аянаар нэг автобусанд зориулалтын хоёр ягаан суудал байх бөгөөд ирэх гуравдугаар сарын 8 гэхэд автобусанд жирэмсэн эсвэл хүүхэдтэйгээ орж ирэхэд таныг ягаан суудал угтаж, таны бяцхан үр хэвлийд байх мөчөөсөө эрүүл, аюулгүй орчинд өсөж, бойжих эрх нь хангагдаж, өөрийн мэдлийн суудалтай болж нийгэмд эерэг хандлагатай соёл бий болох аж.