"Normann Copenhagen" компани нь удаан жилийн эдэлгээтэй, энгийн орчин үеийн дизайны шийдэлтэй Дани улсын дизайны компани юм. Өөрөөр хэлбэл дизайныг шинэлэг ер бусын хэрнээ хэрэглээнд нийцсэн болгох зорилготой юм. Тус компани тавилга, баримал, гэрэлтүүлэг, нэхмэл, ваар, бичгийн хэрэглэл зэргийг загварын өргөн сонголттой үйлдвэрлэдэг байна.

Саяхан тус компани нь үзэсгэлэнгийн танхимаа засварлан илүү том, сонирхолтой болгож өөрчилжээ.  "Hans Hornemann", "Normann Copenhagen"-ын брэнд менежер Britt Bonnesen нарын гаргасан тус брэндийн төв байрны дизайныг анзаарахгүй өнгөрөх аргагүй өнгөний зохицол, гөлгөр гадаргуу бүхий гантиг, боржин чулууны хольцтой шал зэрэг урлагын орон зайг бүрдүүлсэн гайхалтай бүтээл болжээ.