Дуучин Лэди Гага 2014 онд бэлгийн хүчирхийллийн хохирогч гэдгээ олон нийтэд зарлаж байсан.

Тэгвэл энэ дуулиант явдлаас хоёр жилийн дараа буюу Оскарын маргааш Лэди Гагагийн гэр бүлийнхэн энэ тухай мэджээ.

“Миний эмээ /дунд/, авга Шери хоёр маань Оскарын маргааш надруу залгасан. Учир нь тэд намайг бэлгийн хүчирхийллийн хохирогч болсныг мэдээгүй байсан” гэж дуучин Гага Инстаграмдаа бичжээ.

Оскарын наадмын үеэр дуучин Лэди Гага “Чамд тохиолдох хүртэл” дуугаа дуулсны дараа энэ аймшигт гэмт хэргийн хохирогч болсон олон хүмүүс тайзан дээр гарч ирсэн билээ.

“Чамд тохиолдох хүртэл” дуу CNN телевизийн “The Hunting Ground” нэртэй их сургуулийн оюутны хотхонд болдог хүчирхийлэл, халдлагын талаарх баримтат киноны албан ёсны дуу учир Оскарт нэр дэвшсэн юм.

Та Лэди Гагагийн олон хүний зүрх сэтгэлд хүрсэн гайхалтай энэхүү дууг сонсохыг хүсвэл энд дарна уу.