Монгол улсад Үндэсний кино урлаг үүсч хөгжсөний 80 жилийн ойн жил билээ. Өндөр ойд зориулан “Монгол кино” нэгтгэлээс “Монгол киноны шилдэг дуунууд” хүндэтгэлийн тоглолтыг зохион байгуулах болжээ. Энэ сарын таванд буюу бямба гарагт Соёлын төв өргөөнд 15 цагаас эхлэх энэ тоглолтонд монгол киноны үе үеийн сайхан дуу хуур эгшиглэх нь дамжиггүй. Кино дэлгэцээр дамжин үзэгч бидний сэтгэл мөнхөрсөн дуу хуурыг АЖ А.Долгор, АЖ Ө.Баярмагнай, МУГЖ Б.Дашдондог, МУГЖ Ч.Насантогтох, МУГЖ Б.Сарантуяа, МУГЖ Ж.Алтанцэцэг, МУГЖ С.Жавхлан тэргүүтэй уран бүтээлчид дуулах гэнэ.  

UBS телевизээр шууд дамжуулах тус тоглолтонд мөн МУГЖ Б.Ганчимэг, МУГЖ Х.Болормаа , Гавьяат багш Ц.Ерөө шавь нарын хамт, Төрийн соёрхолт Б.Мөнхболд, МУСТА С.Баттулга, МУСТА Д.Отгонжаргал, МУСТА П.Өнөржаргал , МУСТА А.Түмэн-Өлзий, МУСТА С.Цогтсайхан, МУСТА С.Сэрчмаа, МУСТА Т.Баттогтох, МУСТА Д.Жавхаасайхан, МУСТА Б.Баярцэцэг, МУСТА Ц. Баясгалан, МУСТА О. Болдбаатар, МУСТА Б. Нармандах , Дуучин Б.Хонгор, Л.Оюун-Эрдэнэ, Б.Мөнхбаяр, ХЦДБЧ-ын дуучин Э.Дүүриймаа, Д. Мөнгөнтуяа, Л. Болор-Эрдэнэ, Sweetymotion хамтлаг, ОХУ-ын гитарчин Александр Сага нар оролцоно. Түүнчлэн Ц.Намсрайжавын нэрэмжит “Монгол улсын филармони”, “Улсын ардын дуу бүжгийн чуулга”-ын морин хуурчид, үлгэр жишээ үлээвэр найрал хөгжим, ХЦДБЧ-ын дэргэдэх амьд хөгжмийн Хилчин хамтлагууд хамтран оролцоно.