Жил бүр уламжлал болон зохиогддог “Гоёл 2016” наадам болж өнгөрчээ. Тус наадмыг Монголын дизайнеруудын холбооноос зохион байгуулж, жил бүр наадмын оролцогчид дундаас шилдэг эрэгтэй, эмэгтэй загвар өмсөгч, нүүр будагч, үсчин, шилдэг загвар зохион бүтээх товчоо, Грандри шагналтныг шалгаруулахын зэрэгцээ, залуу дизайнер, гоёлын, үндэсний, чөлөөт, уран сэтгэмжит хувцасны шилдэг дизайнер төрлүүдэд шилдэг шагнал олгодог байна. Гэсэн хэдий ч “Гоёл” наадмын эмэгтэй топ модель олон нийтийн анхаарлаа  хандуулдаг. Энэ жилийн топ моделиор 27 настай Х.Уянга тодорчээ. Тэрээр анх 13 настайдаа “Гоёл-2000” наадамд оролцож байсан бөгөөд тасралтгүй 16 жил тус наадамд оролцож, арвин туршлага хуримтлуулсны эцэст ийнхүү топоор өргөмжлөгдлөө. Х.Уянгын биеийн өндөр 180 см, биеийн харьцаа 90:60:93. Урт сайхан хөлөөрөө бусдаас ялгардаг учраас загвар зохион бүтээгчид түүнд аль л богинохон, хөл ил гарсан хувцсаа сонгож өмсүүлдэг байна.