Лабрадор үүлдрийн Лана нэртэй эм нохой амьтан хамгаалах төвийн байранд толгойгоо хананд наасан зураг интернетээр тархаж, нохойг хөдлөх ч үгүй , идэх ч үгүй байгаа тухай гунигт мэдээ амьтанд  хайртай олон хүний зүрхийг эмзэглүүлжээ. Түүнд бүр “Дэлхийн хамгийн гунигтай нохой” гэсэн хочтой болсон байна. Улмаар Mighty Mutts амьтан хамгаалах байгууллагад гурван мянга гаруй хүнээс нохойг авах тухай хүсэлт иржээ.  Лана олон жилийн турш амьтан хамгаалах төвд орж нэг, айлд очиж нэг амьдарч ирсэн ч хамгийн сүүлийн эзэнд нь түүнийг бас л буцаажээ. Учир нь Лана шинэ гэрийнхээ эзэгтэй рүү дайрч, гэрийн эзэд хүүхдүүдийнхээ аюулгүй байдлыг бодон нохойг буцаасан байна. Mighty Mutts амьтан хамгаалах байгууллагынхан одоо Ланагийн айдас түгшүүр, айдас түгшүүрээс улбаалан өөрийгөө хамгаалах гэж бусад руу дайрч байгаад анхаарч, туслахаар чармайж байна.

Бэлтгэсэн Б.Агай