АНУ-ын 43 дахь Ерөнхийлөгч Жорж Буш оонын хоёр эвэр шиг ихэр охинтой. 1981 онд төрсөн ихэр охидын отгон нь болох Женна аль хэдийн гэр бүл зохиож өнөөдөр хоёр хүүхдийн ээж болсон байна. Женна Буш Хэгер Инстаграм хуудсандаа хоёр бяцхан охиныхоо зургийг нийтэлжээ. Энэ жилийн Халловены өдрөөр хоёр настай Мила, хоёр сартай Поппи охид нь ковбой охид болцгоожээ. Женна, нөхөр Хенри Хэгертэй удаан зөвлөлдсөний эцэст Ерөнхийлөгч асан Жорж Бушийн эцэг, энэ жил 91 настай ахмад Бушийг хүндэтгэж, түүний багын хоч болох Поппи гэх нэрийг бага охиндоо өгчээ.