Өхөөрдөм царай, шаргал үсээрээ дэлхийн кино сонирхогчдын хэзээний танил болсон жүжигчин Риз Уидерспүн Hot Pursuit кинонд тогложээ. Тус киноны нээлт пүрэв гарагт болсон байна. Гэхдээ энэ киноноос илүү ганцхан гэрэл зураг олон хүний анхаарлыг татаад байгаа юм. Энэ бол жүжигчин Риз Уидерспүний 15 настай охинтойгоо авахуулсан зураг. Монголчууд инээх нь хүртэл ээж ээ, ээж гэж дуулдаг. Яг л энэ дууг санагдуулам ээж охин хоёрын гэрэл зургийг та яг одоо харж байна. Энэ жил 39 настай жүжигчин Риз 15 настай охинтойгоо ихэр юм шиг л гарсан байгаа биз. Нимгэн уруул, цэнхэр нүд, хөмсөг, төрөлхийн шаргал урт үс гээд ээж охин хоёрт адилхан зүйл олон.  Энэ жил 15 настай Ава Филиппе Ризийн ууган охин. Авагийн дараа Риан Филиппетэй гэр бүл байх үед Деакон хүү төрсөн бөгөөд тэр 11 настай. Түүнчлэн Риз одоогийн нөхөр Жим Тоттой гэр бүл болсныхоо дарааа Теннеси Жеймс хүүгээ төрүүлсэн. Хүү одоо хоёр настай. Хясаа сувдаа нуудаг шиг Ризийн хажуугаасаа салгадаггүй бяцхан охин Ава ээжийнхээ бага настай усны дусал шиг адилхан байгааг та доорх зургаас харч болно.