Эмэгтэйчүүдийн дотуур хувцасны хамгийн том брэнд гэвэл хүмүүс Victoria’s Secret-ийг нэрлэх байх. Гэхдээ энэ байдал удахгүй өөрчлөгдөнө гэж CNBC мэдээллээ. Тун удахгүй Adore Me нэртэй дотуур хувцасны компани нээлтээ хийж, сахиусан тэнгэрүүдийн зах зээлийг хумих аж. Брэндийн үүсгэн байгуулагч Шарон Клапка “Бид Victoria’s Secret-ийг бут цохино. Учир нь тэд маш үнэтэй, үйл ажиллагаа нь удаан. Бас эмэгтэйчүүдийн өөртөө итгэх итгэлийг сулруулдаг. Энэ зах зээлд хувьсгал гарах цаг болсон. Бид тэр хувьсгалыг хийнэ” хэмээн мэдэгджээ. Adore Me-гийн гол ялгаа нь үнээс гадна, дотуур хувцасны хэмжээ. Тус брэнд худалдаанд гарсан цагаас эхлэн хамгийн загварлаг дотуур хувцасыг бүх хүн өөрт тааламжтай үнээр, өөрт таарсан хэмжээтэйг сонгож авах боломжтой болох гэнэ.