Телевизийн шоунаас төрөн гарсан One Direction хамтлаг Английн Белфаст хотод хийх тоглолтоо эхлэх цагаас нь хэдхэн минутын өмнө цуцалжээ. Тус хамтлагийн гишүүн Лиам Пейний бие муудаж, тоглолтонд оролцох боломжгүй болсон хэмээн эцсийн мөчид цуцалсан байна. Тоглолтыг үзэхээр 10 мянган хүн  ялангуяа залуучууд хүүхдүүд олноор ирсэн байсан бөгөөд хүсэн хүлээсэн тоглолтоо үзэж чадаагүйдээ ихээхэн сэтгэл гундуу үлджээ. Хамтлагийн гишүүд болох Лью Томлинсон, Харри Стайлс, Ниалл Хоран нар Твиттерээр дамжуулан үзэгчдээс уучлал хүсчээ. Тоглолтод хүүхдүүдээ дагуулж ирсэн эцэг эхчүүд хамтлагийн гишүүд тайзан дээр биечлэн гарч ирж тайлбар хийх ёстой байсан гэж үзэж байна. Тус хамтлаг Белфаст хотод гурав хоног тоглолт хийнэ хэмээн 30 мянган тасалбар борлуулсан байжээ.