Саяхан ганц бие бүсгүйчүүдийн эгнээнд эргэн ирсэн жүжигчин Меган Фокс Инстаграмдаа өхөөрдөм цэнхэр нүдэн хүүгийнхээ зургийг орууллаа. Teenage Mutant Ninja Turtles кинонд сүүлд тоглосон Меган Фокс Bodhi хүүгээ дөнгөж гурван сартай үед Эллений шоунд хамт орж байсан билээ. Түүний бага хүү Bodhi нэг настай бол ууган хүү Ноа нь гурван ойтой.

Өнгөрсөн наймдугаар сард Трансформерс кино од Меган Фокс таван жил хамт амьдарсан нөхөр Бриан Остин Гринээс салах өргөдлөө шүүхэд гаргасан билээ. Меган Фокс Остин Грин нарын хайрын түүхийг сөхвөл анх 2004 онд ABC телевиз дээр ажлын шугамаар танилцсан. Тухайн үед 18 настай Меган өөрөөсөө нэг үе мултарсан 30 настай Остин Гринд дурлаж, хоёр жил болзсоныхоо дараа буюу 2006 онд сүй тавьж, дөрвөн жилийн дараа 2010 онд албан ёсоор гэр бүл болсон. Тэд нийт 11 жил дотно харилцаатай амьдарч, хоёр хүүхдийн эцэг эх болсныхоо дараа хоёр сарын өмнө гэр бүлээ цуцлуулахаар өргөдлөө өгсөн. Гэхдээ өргөдөл шүүхэд очихоос зургаан сарын өмнө тэд хоёр тийш болсон гэж хосын ойрын эх сурвалж мэдээлжээ.