Калифорн мужийн амьтны хүрээлэнгийн эм горилл дохионы хэлээр хүнтэй харилцдагаараа нэрд гарчээ. Коко гориллын сургагч Францине Паттерсон тэрнийг 44 нас хүрснийг тохиолдуулж муурын бяцхан зулзгуудыг авчирч харуулсан байна. Энэ үеэр Коко тэдний хоёрыг нь сонгож авч, “Тэд миний хүүхдүүд” гэсэн дохио үзүүлэхийг хүрээлэнгийн ажилтнууд дүрс бичлэгт буулгасан байна. Сургагч Паттерсоны ярьснаар Коког бага наснаас нь сургасны үрээр одоо дохио хэлний мянга хол давсан дохиог ойлгож, өөрөө үйлдэхийн сацуу англи хэлний хоёр мянган үгийг төвөггүй ойлгодог болжээ. Сан Францискогийн амьтны хүрээлэнд төрсөн Коко насан туршдаа Вүүдсайдад хоёр эрэгчинтэй амьдарсан ч өнөөдрийг хүртэл эвцэлд орж, үр удмаа үлдээгээгүй байна.