Нью-Йорк хотод орших Terminal 5 амьд хөгжмийн тоглолт зохиогддог том танхимд баасан гарагийн орой “Цус сорогчдын үдэшлэг” болсон байна. Энэ үдэшлэгийн гол сэдэв нь 1998 онд дэлгэцнээ гарсан, жүжигчин Уэсли Снайпсын гол дүрийг нь бүтээсэн Blade кино байлаа. Үдэшлэгийн үеэр Blade киноны зарим экшн хэсгийг амьдаар тоглосон байна. Тасалбар худалдан авсан хүмүүс үдэшлэгт оролцохдоо заавал цус сорогчдын дүр төрхийг бүтээх даалгавартай байсан юм. Энэ үдэшлэгийн гол баатрууд нь электрон хөгжмийн домог The Crystal Method-ийн хоёр хөгжимчин байсан байна.