Монгол бөхийн өргөөнд 9-нд болсон “Хайрын тэнгэр диваажин” тоглолтын үзэгчдийн суудал дүүрэн, хөл гишгэх зайгүй байлаа. Л.Сөрөлт, А.Түмэн-Өлзий нарын тоглолтыг үзэхээр нэг сартай балчираас нэг зуун настай буурал ч иржээ. Энэхүү тоглолтын тасалбар гурав хоногийн өмнө бүрэн зарагдаж, суудал хэдийн дүүрсэн тул бөхийн дэвжээний талд нь сандал засч, үзэгчдээ суулгасан байв. Анхны тоглолт нь ийнхүү амжилттай болж, бөхийн их өргөөг дүүргэсэн үйл явдлаас харахад Л.Сөрөлт, А.Түмэн-Өлзий нарын нийтийн дууны замнал дардан, уран бүтээлийн олз омог дүүрэн байх нь ээ.  Тоглолтонд СТА Э.Төрмандах эхнэр О.Гансувдын хамт, “Universe best songs” наадмын гранпри шагналтан, дуучин Б.Жавхлантөгс, П.Баярцэнгэл нар урилгаар оролцлоо.