УДБЭТ уран бүтээлийн 53 дахь улирлын тоглолтууд эхэлж сонгодог урлаг сонирхогчид баяртай байна. Театр энэ жил Ж.Вердийн хүчирхэг “Аида” дууриар үүдээ нээсэн. Тэгвэл театрын нээлтийн бүжгэн жүжгээр суут хөгжмийн зохиолч П.И.Чайковскийн “Хунт нуур” балет сонгогджээ.  "Хунт нуур" тоглолт аравдугаар сарын 10, 11-ний бямба ням гарагт 17:00 цагт болно. Бямба гарагийн тоглолтын гол дүр Одетта, Одиллияд  МУГЖ Ч.Ганчимэг  оцлох бол ням гарагт СТА Б.Саруул хар цагаан хунд тоглох гэнэ.    Тоглолтын тасалбарыг УДБЭТ-ын билетийн касс болон www.monda.mn сайтаас авах боломжтой. Энэ улирлаас тасалбарын үнэд бага зэргийн өөрчлөлт орсон. Бид дэлхийн сонгодог уран бүтээлүүдийг 10, 20, 30 мянган төгрөгийн үнэ бүхий тасалбараар үзэх боломжтой.

Гол дүрүүд:

10 дугаар сарын 10-ны тоглолтод:

Одетта, Одиллия- Ч.Ганчимэг МУГЖ
Зигфрид- О.Ганцоож СТА
Ротбарт – А.Өлзий-Орших СТА
Алиа салбадай- Б.Төгөлдөр СТА
Па-де-труа – МУГЖ Г.Цолмон, О.Анужин, А.Эрдэнэболд
Том хун: Б.Баасансүрэн СТА, Б.Энхтуул СТА, М.Мөнхтуяа
Жижиг хун:Б.Алтаннамар (CTA), О.Анужин, Ж.Ханбулнай, Г.Маргад-Эрдэнэ

10 дугаар сарын 11-ний тоглолтод:

Одетта, Одиллия- Б.Саруул СТА
Зигфрид- М.Од СТА
Ротбарт – Э.Эрдэнэжаргал СТА
Алиа салбадай- Т.Хан-Очир
Па-де-труа – Б.Баасансүрэн СТА, О.Олонбаяр, Б.Пүрэв-Очир
Том хун: Б.Баасансүрэн СТА,, Б.Энхтуул СТА, М.Мөнхтуяа
Жижиг хун: Б.Алтаннамар (CTA), О.Анужин, Ж.Ханбулнай, Г.Маргад-Эрдэнэ

Эх сурвалж: www.soyol-urlag.mn