Соёл урлагийн мэдээ, мэдээлэл дагнан хүргэх www.soyol-urlag.mn хэмээх вэб сайт мэндэллээ. “Монголын соёл урлагийн өнгийг тольдоно” гэж үйл ажиллагааныхаа чиглэл, зорилгыг тодорхойлж буй энэхүү сайтыг соёл урлагийн салбарт олон жил ажиллаж буй сэтгүүлч Р.Оюунжаргал болон урлагийн шилдэг менежерүүдийн нэг Ч.Дэлгэрцэцэг нар хамтран нээжээ. Ийнхүү чиглэл дагнасан вэбээр дамжуулан соёл урлагийн салбарынхны, тэр дундаа урлагийнхны ажил үйлс, амьдрал, уран бүтээл, магадгүй зовлон жаргалын талаар олон нийтэд мэдээлснээр соёл, урлагийн мэдээллийн үнэ цэнийг нэмэх, тэр хэрээр энэ салбарын амьдралыг идэвхжүүлэхэд хувь нэмрээ оруулна гэж үүсгэн байгуулагчид үзэж байна.

Монголын хэвлэл мэдээллийн салбарын хамгийн отгон вебсайтын гэр бүлд багтаж, соёл урлагийн чиглэлээр дагнан ажиллах шинэ сайтын хамт олондоо www.hiub.mn сайтын зүгээс үг нь мэргэн, үзэг нь хурц байхыг хүсэн ерөөе!