Монгол Улсад Гэрэл зургийн алба үүссэн түүхт 80 жилийн ой энэ өдрүүдэд тохиож байна. Уг түүхэн ойн хүрээнд МГЗНХ-оос олон ажил санаачлан зохион байгуулж байгаагийн нэг нь “PRESS PHOTO” нэртэй гэрэл зургийн үзэсгэлэн юм. Гэрэл зургийн үзэсгэлэнгийн нээлт өнөөдөр Их Эзэн Чингисийн талбайд 12.00 цагт болно. Уншигч та бүхэн гэр бүлээрээ хүрэлцэн ирэх боломжтой.

Энэхүү үзэсгэлэнд Монголын хэвлэл мэдээллийн салбарт ажиллаж буй арван гэрэл зурагчин оролцож байгаагаараа ихээхэн онцлог. Монгол Улсад өрнөж буй улс төр, эдийн засаг, боловсрол, соёл урлаг, спорт, эрүүл мэнд гээд маш олон салбарын өрнүүн их үйл амьдралыг өдөр тутамдаа гэрэл зурагт буулган үлдээж, нэг ёсондоо Монгол Улсын түүхийг аргамжиж үлддэг хүмүүс юм. Энэ ч үүднээс хэвлэлийн гэрэл зурагчдын дарсан кадр, бүтээл он цаг улирах тусмаа үнэ цэнэтэй төдийгүй тэр хэрээрээ хөдлөшгүй баримт болж үлддэг билээ.

“PRESS PHOTO” гэрэл зургийн үзэсгэлэнд бидний эчнээ танил болсон дараах гэрэл зурагчид оролцож байна.  

Г.Аргуужин – “Монголын мэдээ” сонин 
Ц.Баярбаатар – Цензургүй.МН 
Б.Бямба-Очир – MPA.mn сайт 
'Б.Ганбаяр – “Засгийн газрын мэдээ” сонин 
'Ц.Мягмарсүрэн – “Өдрийн сонин”
Ү.Одбаяр – “Ардчилал” сонин
Э.Харцага – “Өнөөдөр” сонин
Б.Чадраабал – “Монцамэ” агентлаг 
Т.Чимгээ – “Монцамэ” агентлаг 
Г.Эрдэнэтуяа – “Үндэсний шуудан” сонин
 

Гэрэл зургуудын эх сурвалж: Ү.Одбаяр,“Ардчилал” сонин