Намрын налгар энэ өдрүүдэд загварын орднууд, нэрд гарсан загвар зохион бүтээгчид ирэх хавар, зуны цуглуулгаа танилцуулсаар байна. Тэгвэл Том Форд 2016 оны загвараа элдэв оддыг цуглуулж загварын шоу зохион байгуулалгүйгээр шууд хэрэглэгчдэд хүргэж байна. Ингэхдээ дуучин Лэди Гагаг шоуныхаа гол дүрээр сонгосон байна. Лэди Гагагийн "I Want Your Love" дууны аянд загвар өмсөгчид тайзны алхаа бус бүжгийн хөдөлгөөн үзүүллээ. Дашрамд сонирхуулахад Том Форд 2015 оны намар, өвлийн шоугаа мөн л уламжлалт бус аргаар Оскарын наадмаас хэдхэн хоногийн өмнө, нэр алдартнуудын дунд зохион байгуулсан юм.