Өнөөдөр болсон Ардчилсан намын бүлгийн хуралдаанаар Засгийн газарт хамтарсан МАН-ын асуудлыг хэлэлцжээ. Өмнө нь уг асуудлыг АН-ын Гүйцэтгэх зөвлөл хэлэлцэж МАН-ыг гэрээгээ биелүүлэхгүй байна хэмээн үзээд байсан юм. Бүлгийн хуралдаанд Ардчилсан намын дарга, УИХ-ын дарга З.Энхболд, Ерөнхий сайд Ч.Сайханбилэг нар оролцож нэлээдгүй халуун яриа өрнөсний эцэст МАН-тай байгуулсан гэрээний биелэлт хангалтгүй гэдэг дээр санал нэгджээ. Өнгөрсөн долоо хоногоос эхлэн АН шийдлийн засгийн газраас МАН-ыг хөөж хуучин хамтрагч “Шударга ёс” эвсэл, ИЗНН-тай харьцаагаа зузаатгаж, бие даагчдад хамтрах санал тавина гэх яриа ортой болж эхэллээ.