BBC агентлагийн хоёр жилд нэг удаа зохион байгуулдаг "Cardiff Singer of the World" дуурийн дуучдийн нэр хүндтэй тэмцээнд анх удаа Монгол улсаа төлөөлөн оролцож байгаа МУГЖ Э.Амартүвшин шилдэг тавын нэгээр тодроод байна. Ирэх баасан гарагт уг тэмцээний тэргүүн байрыг шалгаруулж цом гардуулна.

32 жилийн түүхтэй нэр хүндтэй энэхүү тэмцээнд энэ жил 54 орны 320 уран бүтээлчид оролцож шилдэг тавд Монгол, Канад, Турк, БНСУ, Беларусын дуучид үлджээ.

Сүүлийн шалгаруулалтад тэрээр хөгжмийн зохиолч Н.Жанцанноровын "Чиний минь нулимс" дууг дуулжээ.

Дууг сонсох бол доор дарж BBC сайт руу орж 12:20 тааруулж сонсоорой!

Шилдэг 5 оролцогч

МУГЖ Э.Амартүвшиндээ амжилт хүсье.