“Найрсаг Улаанбаатар” хөтөлбөрийн хүрээнд “PLAYTIME 2015” амьд хөгжмийн наадам 2015 оны 6-р сарын 27, 28-нд Монгол Шилтгээнд болно.

“PLAYTIME 2015” наадмын хүрээнд Америкийн “Pains of Being Pure at Heart” “SSIGHBORGGG”, Өвөр Монголын “Есөн-Эрдэнэ”, “Liberation”, БНСУ-ын Gong Myong зэрэг дэлхийн алдарт амьд хөгжмийн хамтлагууд болон Монголын алдарт “Никитон”, “Нисванис”, “The Lemons”, “Моханик”, “The Colors”, “Rec On”, “Цонхон дээр суусан ялаа”зэрэг шинэ, шилдэг 40 гаруй хамтлаг дуучид, DJ оролцож, өөрсдийн уран бүтээлээ толилуулна. Энэ удаа тус наадам нь “Playtime”, “Шинэ Давалгаа”, “Нааглихац” гэсэн гурван тайзаар дамжуулан дэлхийн болон Монголын амьд хөгжмийн уран бүтээлчдийг таницуулах болно.

Наадмын тасалбарыг 2015 оны 5-р сарын 1-ний өдрөөс хямдралтай үнээр худалдаалж эхэлсэн. Харин 6 дугаар сарын 1-нээс нэг өдрийн 30,000, хоёр өдрийн тасалбар 50,000 төгрөгөөр ХайФай, Оранжрекордсын бүх салбаруудаар борлуулах бөгөөд "1900-1950"-аас худалдан авсан тохиолдолд  үнэгүй хүргэж өгнө. Мөн www.hi-fi.mn-ээс худалдаж авах боломжтой.