Монгол улсын шилдэг жүдочдын нэг Г.Отгонцэцэгийг Казахстан улсын иргэн болох гэж буй талаарх яриа дэгдээд байсан. Өдгөө 48 кг-ын жинд дэлхийн чансаанд 15 дугаарт эрэмбэлэгдэж буй тэрээр тус улсын иргэн болсноор Казахстаны нэрийн өмнөөс Олимпод оролцох юм. Энэ жинд Монгол Улсад гавьяат тамирчин М.Уранчимэг барилдаж буй тул Олимпод оролцохын тулд Г.Отгонцэцэг ийм шийдвэр гаргахад хүрсэн бололтой. Энэ талаар Казахстан улсын эмэгтэйчүүдийн шигшээ багийн дасгалжуулагч Жакена Саламатова хэвлэлд “Г.Отгонцэцэг энэ сард Казахстаны иргэн болно. Наймдугаар сард болох ДАШТ-нд манай улсын өмнөөс барилдана” гэж мэдэгджээ. Ийнхүү тэрээр Олимпод Казахстан улсын нэрийн өмнөөс барилдана.