“Оюутолгой” компанийн 66 хувийг эзэмшдэг “Turquoise Hill” компани албан ёсоор 2015 оныхоо тайлангаа танилцуулж өөрийн вебсайтдаа байрлуулжээ. Тус тайлангийнхаа онцлох мэдээ болгож доорх зүйлсийг дурдсан байна.     

• “Оюу Толгой” ХХК нь 2014 онд ажилласан 200.000 цагт ногдох бүх осол гэмтлийн дундаж хувь 0.47 байсан бөгөөд амь нас эрсдэхэд хүрсэн осол гараагүй.
• “Оюу Толгой” 2014 онд  ойролцоогоор 733.700 тонн баяжмалын борлуулалт хийж 1.6 тэрбум ам.долларын орлого бүртгэсэн байна.
• “Оюу Толгой” 2014 оны IV улиралд ойролцоогоор 262.700 тонн баяжмалыг 634.1 сая ам.доллараар борлуулсан нь өмнөх III улирлаас 19.2 хувиар өсчээ.
• “Туркойз Хилл” компанийн үйл ажиллагааны мөнгөн урсгал 2014 онд 658.3 сая ам.долларын эерэг үзүүлэлттэй гарлаа.
• “Оюу Толгой” дахь үйл ажиллагааны зардал 2014 онд 905.6 сая ам.доллар байлаа.
• Үл хөдлөх хөрөнгө, барилга, тоног төхөөрөмжийн нэмэлт зардалд 87.7 сая ам.доллар зарцуулж, үйл ажиллагааг тогтвортой явуулахад 60.0 сая ам.долларын хөрөнгө оруулалт хийсэн.   
• “Оюу Толгой” 2013 онд 76.700 тонн зэс, 157.000 унц алт үйлдвэрлэж байсан бол 2014 онд 148.400 тонн зэс, 589.000 унц алт олборлосон байна.
• Хэдий 2014 оны 12 дугаар сард Баяжуулах үйлдвэрт гал гарч үйлдвэрлэлийн хэмжээнд бага хэмжээгээр нөлөөлсөн ч хүдэр дэх агуулга өндөр байсан учир металлын үйлдвэрлэл IV улиралд өмнөх улирлуудынхаас нэмэгдэв.  
• 2015 онд “Оюу Толгой” 175.000 – 195.000 хүртэл тонн зэс, 600.000 – 700.000 унц алт үйлдвэрлэх төлөвтэй байна.
• “Туркойз Хилл”, “Рио Тинто” болон Монгол Улсын Засгийн газар хувьцаа эзэмшигчдийн асуудлыг шийдвэрлэхээр хамтран ажиллаж байна.
• “Оюу Толгой” ХХК нь 2014 оны 9 дүгээр сард техник эдийн засгийн судалгааг (ТЭЗҮ)  эцэслэн боловсруулсан бол 2014 оны аравдугаар сард “Туркойз Хилл” компани “Оюу Толгой”-н техникийн тайланг шинэчлэн гаргасан байна.
• 2014 оны хоёрдугаар хагаст “Туркойз Хилл Ресурс” компани “Саусгоби” компанийн 56.1 сая ширхэг хувьцааг худалдан авах тухай “National United Resources Holdings” компанитай гэрээ байгуулж цаашид хамтран ажиллаж байна.
• 2015 оны хоёрдугаар сарын 24-нд “Туркойз Хилл” компани “Саусгоби” компанийн үлдэх 48.705.155 ширхэг хувьцааг худалдах авахаар “Novel Sunrise Investments Limited” компанитай гэрээ байгуулснаа зарлалаа.  
• Арванхоёрдугаар сарын 31-ний байдлаар “Turquoise Hill” компанийн мөнгөн хуримтлал  862.8 сая ам.долларт хүрлээ.  

Дашрамд дурдахад Монгол Улс “Оюутолгой”-гоор дэнчин тавьж “Рио Тинто”-гоос зээлсэн 250 сая.ам долларын өрийнхөө 100 сая ам.долларыг хүү болох 15 сая ам.долларын хамт 10 дугаар сард төлсөн байна.

“Оюутолгой”-н үйлдвэрлэлийн мэдээ