Монголын нүүрс олборлогч томоохон компани болох “Mongolian Mining corporation” өнгөрсөн оныхоо үйл ажиллагааны үзүүлэлтээ албан ёсоор танилцууллаа. Тус компани 2014 онд Монгол Улсын нийт экспортолсон нүүрсний гуравны нэг болох 5.4 сая тонн баяжуулсан нүүрсийг зах зээлд нийлүүлж тонн тутмыг нь 70 ам.доллараар борлуулсан байна. Гэвч санхүүжилтийн зардал болон ханшийн зөрүүнээс үүдэн 90 орчим сая ам.доллар, элэгдлийн зардал гэж 46 орчим сая ам.доллар алджээ. Нийт дүнгээрээ “Mongolian Mining corporation” долоон сая ам.долларын алдагдал хүлээжээ.