• Махыг угааснаас болж хурдан мууддаг тул зөвхөн хэрэглэхийн  өмнө угаах хэрэгтэй.
• Хөлдүү махыг хурдан гэсгээх бол богино долгионы зууханд хийж гэсгээх хугацааг тохируулах, эсвэл уутанд хийж гоожиж буй хүйтэн усанд гэсгээх.
• Махыг болох үед нь амтыг тохируулах хэрэгтэй. Давс нь махны шүүсийг түргэн ялгаруулдаг тул түүхий  байхад нь хийвэл махны шимт тэжээлт чанарыг алдагдуулна.
• Махыг шарж болгох явцад дарс эсвэл коньяк хийвэл мах зөөлөн, үнэр амттай амттай болно.
• Түүхий сонгино, сармисаар амталсан махыг удаан хадгалж болохгүй.
• Хуурай мод махны шүүсийг өөртөө шингээдэг тул мах хэрчих модоо урдчилан чийглэх хэрэгтэй.
• Хатуу махыг хүнсний төмөр юм уу модон алх, эсвэл хутганыхаа ишээр нүдэж зөөлрүүлж болно.
• Идэхийн аргагүй хатуу махыг хоол хийхээс хэдэн цагийн өмнө гичээр бүрэн хучиж  түрхэнэ. Харин яг хоол хийхийн өмнө махаа сайтар угаах хэрэгтэй.
• Хэрэв хатуу мах шарах гэж  байгаа бол лимоны шүүс түрхэж шингэтэл хүлээнэ. Үүний дараа сайн халаасан хайруулын тавагт хийж шарвал хатуу мах их зөөлөн болдог.
• Хэрэв хатуу махыг жигнэж байгаа бол дундуур зүсээд хоёр халбага дарс, эсвэл нэг халбага уксус нэмээрэй.

                                                                                                                       Б.Номин