Өнгөрсөн оны 11 дүгээр сарын байдалтай харьцуулбал, зэсийн баяжмалын үйлдвэрлэл 254.5 мянган тонноор буюу 35.7 хувь, молибдений баяжмалын үйлдвэрлэл 191.3 тонноор буюу 5.6 хувь, алтны үйлдвэрлэл 2.1 тонноор буюу 25.1 хувь, төмрийн хүдрийн үйлдвэрлэл 1.8 сая тонноор буюу 32.8 хувь, хайлуур жоншны баяжмалын үйлдвэрлэл 126.0 мянган тонноор буюу 60.8 хувь, газрын тосны үйлдвэрлэл 2.3 сая баррелиар буюу 49.1 хувиар тус тус өсчээ.

Энэ оны 11 дүгээр сарын байдлаарх экспортын өссөн дүнтэй харьцуулвал нүүрсний экспорт 822.6 мянган тонноор буюу 5.1 хувь, алтны экспорт 1.0 тонноор буюу 14.1 хувь, газрын тос1.8 сая баррелиар буюу 39.7 хувиар, зэсийн баяжмал 667.1 мянган тонноор буюу хоёр дахин тус тус өссөн үзүүлэлттэй байна.

2014 оны 11 дүгээр сарын байдлаар Уул уурхайн салбараас татварын орлогоор Улсын төсөвт нийтдээ 1 их наяд 75.4 тэрбум төгрөг төвлөрчээ.