Нээлтээ хийсэн даруйдаа дэлхий дахиныг шуугиулж кино театруудын хамгийн их ашиг орлогтотой хүүхэлдэйгээр тодорч байсан бүтээл бол яахын аргагүй Frozen. Тус хүүхэлдэйн киноны дуу 40 өөр хэл дээр орчуулагдсан Диснеэйн анхны бүтээл болсон төдийгүй 1,2 тэрбум долларын ашиг олсон юм. Хүүхэд болгон энэ дууг аялаж, сурсан байсан гэхэд хилсдэхгүй. Тэгвэл Frozen  хүүхэлдэйн киноны хоёрдугаар анги тун удахгүй гарах бололтой.

Кино бүтээгчдийн мэдэгдэж байгаагаар хүүхэлдэйн киноны хоёрдугаар анги ирэх 2015 оны эхээр бүрэн хийгдэж дуусах гэнэ. Тус хүүхэлдэйн киноны хоёрдугаар ангийг “Frozen Fever” гэж нэрлэсэн бөгөөд хүүхэлдэйн киноны гол дүрийн баатар болох Анна-ийн хувьд хүүхэдтэй болдог бол Элса гүнж өөрийн хайр дурлалтайгаа учрах гэнэ.