Нэгдүгээр ангид элсэгчдээ энэ сарын 20-30-ны өдрүүдэд бүртгэж буй билээ. Энэ дагуу БСШУСЯ-наас аймаг, нийслэлийн Засаг дарга нарт сургууль, цэцэрлэгийн бүртгэл, элсэлтийн мэдээллийг ил тод, нээлттэй болгож, элсэлт, бүртгэлийг иргэдэд хүндрэл, чирэгдэл үүсгэхгүйгээр зохион байгуулах үүрэг өгсөн.

Түүнчлэн шилжиж ирсэн, түр оршин суугч иргэдийн хүүхдийг оршин суугаа газрын хамран сургах тойргийн сургуульд бүртгэхийг анхааруулсан юм. Үүний тулд шилжин ирсэн, түр оршин суугч харьяалах хороондоо бүртгүүлсэн байх хэрэгтэй.