Дорноговь аймгийн Айраг сумын нутаг дэвсгэрт үер бууж Улаанбаатар-Сайншанд чиглэлийн 747 дахь км буюу Цомог-Айраг өртөө хооронд төмөр замын суурь бүтэц усанд автаж 286 дугаартай галт тэрэг унаж осолдсон юм. Үүний улмаас хоёр зүтгүүр, зорчигчийн гурав, тээшийн нэг галт тэрэг осолдсон тул тухайн чиглэлийн галт тэрэгний хөдөлгөөнийг төмөр замыг сэргээн засах хүртэл хаасан. Тэгвэл өчигдөр 22:18 цагт хөдөлгөөнийг нээжээ. Харин төмөр замын сэргээн босголтын ажлын талаар тодорхой мэдээлэл албаныхан өгөөгүй байна.