Уран гимнастикаар АНУ-д Монголынхоо нэрийг шуугиулж яваа охин бол Т.Хүслэн. Тэрбээр Baton twirling гэх мэт 3-4 төрлийн спортоор хичээллэдэг бөгөөд Амеркийн мужийн аваргаар дараалан хэд, хэд шалгарснаас гадна “нээлттэй улсын аварга”-ын тэмцээнд түрүүлжээ. Энэхүү “нээлттэй улсын аварга” тэмцээн нь Амеркийн бүх өсвөрийн насныхан оролцдог улсдаа хамгийн томоохонд тооцогддог тэмцээн аж. Ийн “Baton Twirling” төрлөөр амжилт гаргаж буй монголын хамгийн анхны тамирчин Т.Хүслэн болж байгаа бөгөөд цаашид дэлхийд эх орныхоо нэрийг дуурсгасан анхдагч тамирчин болох нь тодорхой байна. Дашрамд дуулгахад Т.Хүслэнгийн ээж нь бүх тэмцээнийх нь хувцасыг гараар оёж урладаг бөгөөд түүний оёсон хувцасыг өмссөн тамирчин олимпийн дэвжээнээ хүртэл гарч байжээ.