Нийслэлийн Мэргэжлийн хяналтын газраас хүнсний худалдааны 237 газарт хяналт шалгалт хийжээ. Шалгалтын явцад давхардсан тоогоор 1582 зөрчил илрүүлэн, хялбаршуулсан журмаар зөрчлийн 84 хэрэг, зөрчлийн 2 хэрэг нээж, 42 аж ахуйн нэгжид 42.650.000, 44 иргэнд 9.000.000  нийт 51.650.000 төгрөгийн торгууль шийтгэвэр ногдуулж, бүрэн барагдуулжээ.

Тухайлбал,  Багануур дүүргийн Баяжих хүнсний мухлагт худалдаалж байсан Хос ивээл ХХК-д үйлдвэрлэсэн Аянчин хагас утлагат хиам, Аягын нуур ХХК-ийн Намуун мини маркетад худалдаалж байсан Зочин хүнс ХХК-ийн Аянчин хагас утлагат хиам, Тансаг зайдас, НИК ХХК-ийн мини маркетад худалдаалж байсан Очир дагинас ХХК-ийн нарийн хагас утлагат хиам зэрэг бүтээгдэхүүнүүдэд нян судлалын шинжилгээгээр бичил биетний ерөнхий тоо зөвшөөрөгдөх хэмжээнээс их, мөн Эмээгийн дэлгүүр хүнсний мухлагт худалдаалагдаж байсан БНХАУ-д үйлдвэрлэсэн Маракко нэрийн хүнсний бүтээгдэхүүнд бичил биетний ерөнхий тоо зөвшөөрөгдөх хэмжээнээс их гарсан байна. Дээрх зөрчил гаргасан этгээдүүдэд 1.3 сая төгрөгийн шийтгэл оногдуулж зөрчлийг арилгуулжээ.