УИХ-ын гишүүн Д.Гантулга даваа гарагт УИХ-ын гишүүнээс чөлөөлөгдөх хүсэлтээ УИХ-ын дарга М.Энхболдод албан ёсоор гаргасан. Түүний асуудлыг өнөөдөр УИХ-ын Төрийн байгуулалтын байнгын хорооны хуралдаанаар хэлэлцэж, байнгын хорооны гишүүдийн олонх Д.Гантулгын УИХ-ын гишүүнээс чөлөөлөгдөх хүсэлтийг хүлээн авч шууд санал хураалт явуулж, олонхийн саналаар шийдвэрлэсэн байна. 

Д.Гантулгын УИХ-ын гишүүнээс чөлөөлөгдөх тухай хүсэлтийг дэмжсэн тус байнгын хорооны санал дүгнэлтийг УИХ-ын нэгдсэн чуулганд танилцуулж, гишүүдийн олонхийн саналаар эцсийн шийдвэрийг гаргана.