Жендэрийн талаарх олон нийтийн хэвшмэл ойлголтыг халж, жендэрийн тэгш байдлын мэдлэг, хандлагыг дээшлүүлэхэд чиглэсэн сэтгүүл зүйн болон гэрэл зургийн шилдэг бүтээлийн эзэд тодорлоо. Уралдаанд нийт 50 гаруй оролцогчийн 100 орчим сурвалжлага, мэдээллийн хөтөлбөр, нэвтрүүлэг асуудал хөндсөн цуврал нийтлэл, гэрэл зургийн бүтээл өрсөлдсөнөөс "ЭКО" телевизийн Мэдээ мэдээллийн албаны бэлтгэсэн "СЭДЭВ" мэдээллийн хөтөлбөр ДЭД БАЙР эзэлжээ. 
СЭДЭВ мэдээллийн хөтөлбөр нь үйл явдал хөөдөггүй, зөвхөн сэдэв хөнддөг. Өдөр бүр цаг үеийн ач холбогдолтой нэг сэдэв сонгон хөндөж, түүнийхээ эргэн тойронд сэтгэл-гар нийлэн ажилладаг гэдгийг ЭКО ТВ-ийн Мэдээ мэдээллийн албаны дарга Э.Сайхантуяа онцолсон юм.

ЭКО телевизээс “Жендэрийн тэгш байдалд миний оролцоо” уралдаанд :

1. СЭДЭВ мэдээллийн хөтөлбөр
2. СЭДВИЙН МӨРӨӨР эрэн сурвалжлах нэвтрүүлэг
3. БАРИМТ цуврал контентоор оролцож тус бүр сүүлийн шатанд шалгарснаас "СЭДЭВ" мэдээллийн хөтөлбөр нь Телевиз, радиогийн шилдэг бүтээлээр ийнхүү шагнагджээ.

Уралдааны "Шилдэг бүтээл"-үүдээс танилцуулбал

Телевиз, радиогийн бүтээлийн төрөлд:

• Нэгдүгээр байр: Ийгл телевизийн сэтгүүлч Б.Батцэцэг “Бодит байдал” сурвалжлага
• Хоёрдугаар байр: “Эко” телевиз “Сэдэв” мэдээллийн хөтөлбөр
• Гуравдугаар байр” МҮОНР-ын Хүүхэд залуучуудын редакц “Гэр бүлийн хөгжил ба жендэрийн тэгш байдал” хөтөлбөр

Сонин, сайтын бүтээлийн төрөлд: 

• Нэгдүгээр байр: “Өнөөдөр” сонин Х.Уянга “Галбын говийн шинэ эзнийг гарынхаа аясаар хөдөлгөдөг бүсгүй” хөрөг нийтлэл
• Хоёрдугаар байр: Гэрэг.мн сайт Б.Цэцэгдэлгэр “Ижил тэгш оролцоо илүү ихийг бүтээнэ”
• Гуравдугаар байр: Чөлөөт сэтгүүлч Ц.Оюунтунгалаг “Манай цэцэрлэгийн аав-багш”

"Жендэрийн тэгш байдал миний дуранд" гэрэл зургийн бүтээлийн уралдаанд шалгарсан бүтээл

• Нэгдүгээр байр: Г.Эрдэнэтуяа “Уул уурхай хүнд үйлдвэрүүдэд эмэгтэйчүүд эрчүүдтэй зэрэгцэн ажиллаж байна”
• Хоёрдугаар байр: Баян-Өлгий аймгийн оролцогч Т.Али “Малчны хотон дахь жендэрийн тэгш байдал”
• Гуравдугаар байр: Ё.Нямдаваа “Хайртай...” цагдаагийн албанд бүсгүйчүүд ч ажиллаж байна. Саяхан төрсөн цагдаа эмэгтэй гэр бүл, ажил, амьдралдаа хайртай” бүтээлээрээ тус тус шагнал хүртжээ.