Дэлхийн цэргийн спортын холбооны буудлагын дэлхийн аварга шалгаруулах тэмцээн тавдугаар сарын 29-өөс зургадугаар сарын 6-ны хооронд Швейцарь улсын Тун хотод болж өнгөрлөө. Уг тэмцээний эмэгтэйчүүдийн 25 метрийн гар бууны дасгалд өрсөлдсөн Хөдөлмөрийн баатар, гавьяат тамирчин О.Гүндэгмаа аваргын алтан медаль хүртсэн. Гэвч түүний медалийг зохион байгуулагчид нь хураажээ. Учир нь, түүнийг хүзүүндээ лент нааж байгаад тэмцээнд оролцсон нь дүрэм зөрчсөн гэж үзсэн байна. Лентний шалгалтыг тэмцээн дууссаны дараа хийдэг бөгөөд энэхүү дүрмийг 10 жилийн өмнөөс мөрдөж эхэлжээ. Тиймээс зохион байгуулагчид дүрмээ барьсан хэмээн мэргэжилтнүүд хэлж байна.