Чингэлтэй дүүргийн гуравдугаар хороо Урт цагааны замд өчигдөр нэгэн жолоочийн танхайрч буй бичлэг цахим сүлжээнд олны дургүйцлийг төрүүлээд буй. Тодруулбал, эмэгтэй жолооч руу дайрч хүч хэрэглэхийг завдсан 3705 УБД улсын дугаартай "Приус" маркийн авто машины жолоочид хариуцлага тооцсон байна.  Зөрчил гаргасан жолооч нь Урт цагааны замд хөдөлгөөнд оролцох үедээ урсгал сөрж хөдөлгөөнд оролцсон нь тогтоогджээ. Тиймээс түүнд Зөрчлийн тухай хуулийн 14.7.30 дахь хэсэгт заасны дагуу тээврийн хэрэгсэл жолоодох эрхийг гурван сараар хасч, тавин мянган төгрөгөөр торгох арга хэмжээ ногдуулсан байна.