Барилгын салбарын хамгийн олон оролцогч, үзэгчтэй, Ногоон хөгжлийг дэмжигч “BARILGA EXPO 2018” олон улсын үзэсгэлэн яармагийн Орон сууц, ногоон барилгын үзэсгэлэн өнөөдөр Мишээл экспо төвд нээлтээ хийлээ. 

Үзэсгэлэнд "Жигүүр Гранд Групп", "NCD group", “Улаанбаатар Пропертиз” ХХК, Хурд зэрэг үндэсний шилдэг бүтээн байгуулагч компаниуд шинэ орон сууцны төслөө танилцуулж байгаа юм. Түүнчлэн эрчим хүчний хэмнэлттэй барилгын дэвшитэт технологи нэвтрүүлэгчид, ногоон барилгын материал нийлүүлэгчид, банк санхүүгийн байгууллага, амины орон сууц барьдаг гэгчлэн 100 гаруй компаниуд оролцож байна. 

Үзэсгэлэн гурав хоног үргэлжлэх бөгөөд иргэд та бүхэн Орон сууц, ногоон барилгын үзэсгэлэнд хүрэлцэн ирснээр шинэ орон сууцнуудын үнэ ханшийг харьцуулан харж хүссэн сонголтоо хийхийн зэрэгцээ, ипотек болон компанийн хувь зээл, банкны зээлийн үйлчилгээний талаарх мэдээлэл авч, шинэ дэвшилтэт техник технологитой танилцангаа амины орон сууц хэрхэн барих тухай олон талын зөвлөмжийг авах боломжтой.