Хувь хүний орлогын албан татварын тухай хуулийн дагуу орон сууц худалдан авсан болон оюутны сургалтын төлбөрийн буцаан олголт авах иргэдийн материалыг 2018 оны 01 сарын 01-ээс 2018 оны 2 дугаар сарын 15-ны өдрийг дуустал хугацаанд харьяа татварын алба /Нийслэлийн үйлчилгээний нэгдсэн төвүүдэд/-нд хүлээн авсан.

Нийслэлийн хэмжээнд нийт 33 мянга гаруй иргэн буцаан олголт авахаар материал бүрдүүлж өгснөөс өчигдөр 29,255  иргэний 18.9 тэрбум төгрөгийг 11 банкаар дамжуулан шилжүүлсэн байна.
Татвар төлөгчийн нэр, данс зөрүүтэй шалтгааны улмаас 1,051 татвар төлөгч иргэний гүйлгээ буцсан байна. Эдгээр иргэд мэдээллээ залруулсны дараа буцаан олголтоо авах боломжтой. Зарим иргэний материал Нийслэлийн татварын газарт шалгагдаж байгаа тул 5 дугаар сард олгогдохоор байна гэж НТГ-аас мэдээллээ.