31 настай Ребека Мэрайн мөчний гажиг хөгжилтэй төржээ. Яг юунаас болж түүнд ийм гажиг үүссэн нь тодорхойгүй аж. Ребека багадаа ямар нэг ялгаварлан гадуурхах үзэлтэй нүүр тулж байгаагүй ч томрохын хэрээр хүмүүс түүний хөгжлийн бэрхшээлийн талаар асуух болж, тэрбээр өөртөө итгэлгүй болж эхэлсэн байна.

Ребека анх 22 настайгаасаа хиймэл гартайгаа загварын ертөнцөд хөл тавьжээ. Нью-Йоркийн загварын долоо хоногоор тайзнаа алхаж, Tommy Hilfiger, Nordstrom зэрэг томоохон брендүүдийн сурталчилгаанд оролцож байжээ. Тэрбээр "Бид Ким Кардашъян болж чадахгүй ч бид онцгой гэдгээ хүлээн зөвшөөрөх, бид хоорондоо ялгаатай гэдгээ ярилцах нь чухал.” гэжээ.