Мэргэжлийн сүмогийн хаврын башёд Их аварга Какүрюү М.Ананд 15 дахь өдөр озэки Такаяашид өвдөг шороодож 13 даваа, хоёр унаатайгаар башёг өндөрлүүлэв. Тэрбээр башёгийн 14 дэх өдөр Гоэйдог давснаар эзэн хааны цомыг дөрөв дэх удаагаа гардах болзлыг хангасан юм.

Энэ сарын башёд амжилттай барилдсан сэкивакэ Точиношин шёкүншо, маэгаширагийн зүүн жигүүрийн нэгээс босч барилдсан Эндо гиношё, маэгаширагийн зургаад эрэмбэлэгдсэн Кайсэй кантошё тусгай шагналыг тус тус хүртсэн байна.