Билгийн тооллын XVII жарны “Тийн унжлагат” хэмээх шар нохой жилийн Цагаан сарын баярт зориулсан үндэсний бөхийн цуврал барилдааны хуваарь гарчээ. Тодруулбал, сар шинийн барилдаан “Бөхийн өргөө”-нд хоёрдугаар сарын 11-нд болох аймаг, цэргийн цолтой залуу бөхчүүдийн барилдаанаар эхлэх юм байна. Мөн хоёрдугаар 12-нд сумын цолтой болон залуу бөхчүүд барилдах бол 13-нд аймаг, цэргийн начин цолтой бөхийн барилдаан тус тус болно.

Харин хоёрдугаар сарын 15-ны 12.00 цагаас Сар шинийн баярт зориулсан улс, аймгийн алдар цолтой 256 бөхийн барилдаан болно. Уг барилдаанд зодоглох бөхчүүдийг хоёрдугаар сарын 14, 15-ны өдрүүдэд Монгол бөхийн өргөөнд бүртгэх юм байна.