Швейцарийн Фрибург хотноо зохион байгуулагдаж буй олон улсын кино наадамд "DOZ entertainment"-ийн бүтээл "Хөх толбот хүмүүс" МУСК тус наадмын New Territory section-д шалгарчээ.

New Territory section гэдэг нь тус кино наадамд өмнө оролцож байгаагүй, шинэ нутаг дэвсгэрээс оролцсон бүтээл байх бөгөөд Монгол кино олон улсад, тэр тусмаа Швейцарьт танилцуулагдах боломж нээгдэж байгаагаараа онцлогтой юм байна.

Тус фестивалийн:

• Шилдэг найруулагч 20 мянган ам.доллар,
• Шилдэг продюсер 10 мянган ам.доллар,
• Олон улсын богино хэмжээний шилдэг кино уран бүтээл 7500 ам.доллар
• Шүүгчдийн нэрэмжит үзэгчдийн нэрэмжит зэрэг олон шагналтай юм байна.

2011 онд нээлтээ хийж байсан "Хөх толбот хүмүүс" киног тус наадамд "Дижитал агуулга" ХХК илгээжээ.