Францын мэс заслын академийн хүндэт гишүүнээр ХСҮТ-ийн Ерөнхий захирал, Анагаахын шинжлэх ухааны доктор Ж.Чинбүрэн өргөмжлөгдсөн. Тэрбээр элэгний хамгийн төвөгтэй байрлал буюу “Төвийн байрлалын хорт хавдрыг хялбаршуулсан аргаар тайрах нь” сэдвээр докторын зэрэг хамгаалж, 800 гаруй элэгний хагалгааны үр дүнг танилцуулан ийнхүү дэлхийд чадвараа батлан харуулсан юм.

Ж.Чинбүрэн "Элэг шилжүүлэн суулгах хагалгааг Монгол хүндээ санхүүгийн дарамтгүй хийнэ гэдэг том зорилтоо баталгаажуулж чадсан. 2018 онд хийгдэх элэг шилжүүлэн суулгах төлөвлөгөөт мэс заслын зардал нь төсөвт суусан тул энэ онд хийгдэх хагалгаанууд үнэ төлбөргүй хийгдэнэ"  хэмээлээ.