Английн иргэн, 80 настай Барбара Петерс дэлхийд алдартай хатан хааны нэрэмжит бүжгийн академид болсон балетчидын чадварыг үнэлэх шалгалтыг амжилттай давсан талаар өчигдөр dailymail-д мэдээлжээ. Тэрээр шалгалтын үеэр 55 минутын турш уран сайхны болон сонгодог бүжиг бүжиглээд зогсохгүй нарийн техникүүдийг чадварлаг хийж гүйцэтгэсэн байна. Ингээд тэрбээр хамгийн өндөр настай балетын бүжигчин болжээ.

Барбара 1957 онд хатан хааны бүжгийн академид элсэн орж чадсан бөгөөд сургалтынхаа төлбөрийг олохын тулд автобусны кондуктор хийж байжээ.