БХБЯ-наас баталсан Барилгын тухай хуулийн шинэчилсэн найруулгын төсөл, түрээсийн орон сууцны журмаар түрээсийн орон сууцыг урт хугацаанд түрээсэлсэн иргэн тухайн байрныхаа үндсэн үнийн 30 хувийг төлсний дараа амьдарч буй байраа өмчлөх эрхтэй болсон.

Үүний дагуу Нийслэлийн орон сууц корпорацаас түрээсийн орон сууцаа өмчлөх төсөл хэрэгжүүлж байна. Түрээсийн орон сууц төслийн хүрээнд “Ханын материал” орчим 1000 айл, “Дэнжийн мянга” орчимд 1008 орон сууц барих бөгөөд зээл олгогч байгууллагаас 10 жил байраа түрээсэлсэн иргэд өмчлөх боломжтой.

Уг төсөл нь орон сууцны урьдчилгаа төлбөр төлж чадахгүй байгаа иргэдэд чиглэсэн тул орон сууцаа өмчлөх хүсэлтэй иргэдэд сарын төлбөр метр квадратаасаа хамаараад 450-800 мянган төгрөг байх аж.