ОХУ-д өсвөр үеийнхний сагсан бөмбөгийн олон хотын тэмцээн болж, Монголын баг тамирчид хоёр мөнгө, гурван хүрэл медаль хүртлээ. Федора Владимирович Оканинагий нэрэмжит энэхүү тэмцээнд тус улсын Улан-Үдэ, Чита, Иркутск, Монгол Улсын баг өрсөлдсөн юм. Тэмцээний 11 хүртэлх насны ангилалд Д.Отгонбаатар дасгалжуулагчтай нэгдүгээр баг мөнгө, хоёрдугаар баг хүрэл медаль хүртэв. Мөн 10 хүртэлх насны ангилалд манай нэгдүгээр баг мөнгө, гуравдугаар шигшээ баг хүрэл медаль хүртсэн байна. Харин охидын ангилалд хоёрдугаар шигшээ баг хүрэл медаль хүртсэн амжилттай эх орондоо ирлээ.