УИХ-ын чуулганы нэгдсэн хуралдааны үеэр УИХ-ын гишүүн Б.Бат-Эрдэнэ <<Өнөөдөр төр барьж байгаа хүмүүст сэтгэл гэж байдаг байлгүй дээ. Ерөнхийлөгч, Ерөнхий сайд, гишүүд бүгд утааг бууруулахын төлөө  сэтгэлээсээ ажиллаж байгаа гэж бодож байна.
Ерөнхийлөгч агаарын бохирдлыг бууруулж чадахгүй бол цагаан сарын дараа УИХ-ыг тараана гэсэн нь улс орноо бодож, биднийг илүү бодитой зүйл хийгээсэй гэж шахаж байна гэж хүлээж авсан. Тиймээс Ерөнхийлөгчийн үгэнд эмзэглэх хэрэггүй. Агаарын бохирдлыг бууруулах тухай чухал асуудал хэлэлцэж байхад энэ чуулганд өнөөх оффшорчид, компанийн эзэд алга. Ийм идэвхгүй байвал УИХ-ыг тараахыг дэмжиж ажиллана шүү гэв.