Өнгөрөгч арванхоёрдугаар сард Дубай хотноо болсон “Miss Mongolia Tourism Association” олон улсын кино фестивальд Монголын бүсгүйчүүд анх удаа Дэлхийн кино одуудтай улаан хивснээ алхжээ. Уг арга хэмжээнд “Miss Mongolia Tourism Association” –ий тэргүүн мисс Б.Гантогоо, “Тансаг Мода” загварын агентлагийн захирал Б.Уянга, модель Б.Солонго нар оролцсон байна. Энэ тухай “Тансаг Мода” агентлагийнхан пэйж хуудаснаа “Тус наадмын улаан хивсний ёслолд олон нэр хүндтэй зочидтой хамт алхсаны дундаас нэгэн эрхмийг онцлоход Fashion TV-г үүсгэн байгуулагч Мichel Adam байлаа. Fashion TV нь шинэ бренд гаргаж байгаатай холбогдуулан манай “Тансаг Мода” агентлагтай хамтран ажиллах санал тавьлаа. Энэ бүх боломжийг нээж өгсөн “Miss Mongolia Tourism Association”тэргүүн мисс Б.Гантогоо эгчдээ баярлаж, талархаж буйгаа илэрхийлье. Fashion TV тэй бид нэг баг болон маш амжилттай ажиллаж байгааг дуулгахад таатай байна хэмээжээ.