Ази тивийн хошой аварга, оюутны дэлхийн аварга зэрэг амжилтад хүрээд байсан М.Анхцэцэг  Анахейм хотод болсон  ДАШТ-д огцом өргөлтийн төрөлд 107 кг-ыг өргөснөөр өөрийн жиндээ буюу 75 кг-ын ангилалд хүрэл медаль хүртсэн. Энэ нь Монголын хүндийн өргөгчдийн түүхэнд ДАШТ-ээс авсан анхны медаль болсон билээ. Тиймээс М.Анхцэцэг болон дасгалжуулагч Ц.Хосбаяр нарыг Монгол улсын гавьяат тамирчин цолонд холбооноос нь тодорхойлжээ.