“Golden Gobi” брэндийн шоколад Япон Улсын зах зээлд албан ёсоор борлуулагдаж эхэлсэн байна. Одоогоос 13 жилийн өмнө "Есөн од" ХХК байгуулагдаж, Монголд анх Бельги технологиор цэвэр шоколад үйлдвэрлэж, "Golden gobi" Монгол брэнд үүсчээ. 2003 онд хамгийн анх дотоодын зах зээлд гурван төрлийн сүүтэй, хавтгай шоколад үйлдвэрлэн нийлүүлж байсан аж. Үүнээс хойш жил тутам тасралтгүй 5-6 нэр төрлийн шинэ шоколадан бүтээгдэхүүнийг нийлүүлэх болжээ.